MY ACCOUNT
Azeurotel

Nazir Rəşad Nəbiyev “AzEuroTel” MMC-nin əməkdaşlarını mükafatlandırıb

07 May , 2021

Nəqliyyat, rabitə və yüksək texnologiyalar naziri Rəşad Nəbiyev “AzEuroTel” MMC-nin 25 illiyi münasibətilə şirkətin kollektivi ilə görüş keçirib.


Yubiley münasibəti ilə kollektivi təbrik edən nazir “AzEuroTel” şirkətinin fəaliyyətə başlamasında ulu öndər Heydər Əliyevin misilsiz xidmətlərindən danışıb. “AzEuroTel” şirkətinin açılışı 1996-cı ilin 10 may tarixində ulu öndər Heydər Əliyevin iştirakı ilə baş tutub. O zaman yenidən qurulmuş ATS/92 və yeni tikilmiş ATS/97 Heydər Əliyevin Böyük Britaniyaya səfəri zamanı bağlanmış saziş əsasında ərsəyə gəlmişdi”.


Rəşad Nəbiyev bildirib ki, ulu öndərin siyasətini uğurla davam etdirən Prezident İlham Əliyev İKT-nin inkişafı və hərtərəfli tətbiqini Azərbaycan Respublikasının iqtisadi siyasətinin əsas istiqamətlərindən birinə çevirib.


“AzEuroTel” MMC-nin ölkədə kommersiya məqsədilə internet xidmətini təqdim edən ilk şirkətlərdən biri olduğunu vurğulayan nazir şirkətin bütün uğurlarının bünövrəsinin sağlam və peşəkar kollektiv tərəfindən yaradıldığını diqqətə çatdırıb. Rəşad Nəbiyev həm hazırda şirkətdə çalışan, həm də artıq ayrılan bütün əməkdaşları 25 illik yubiley münasibətilə təbrik edib. Nazir “AzEuroTel”i ölkənin sayılıb-seçilən şirkətlərindən birinə çevirdikləri üçün kollektivə minnətdarlığını ifadə edib.


Rəşad Nəbiyev şirkətin uğurlarında “AzEuroTel” MMC-nin rəhbərlərinin xüsusi rolu olduğunu qeyd edib. “Şadam ki, bu gün tədbirdə müxtəlif dövrləri təmsil edən iki rəhbər görürəm: şirkətin ilk rəhbəri – Nuru Əhmədovu, həm də “AzEuroTel”in hazırkı rəhbəri Hidayət Ağayevi. Nuru müəllimin “AzEuroTel”in ilk rəhbəri və peşəkar rabitəçi kimi həmin dövrdə tətbiq edilən yeniliklərin idarə edilməsində, təkmilləşdirilməsində rolu böyükdür. Hidayət müəllim “AzEuroTel”i bu gün irəli aparır. Onun rəhbərliyi altında “AzEuroTel” telekommunikasiya şirkəti olaraq yeni texnologiyalar üzərindən istifadəçilərə optik xidmətlərin göstərilməsi üzrə layihələr icra edir”.


Daha sonra nazir “AzEuroTel” MMC-nin 25 illiyi münasibətilə telekommunikasiya sahəsinin inkişafında xidmətlərinə görə şirkətdə yarandığı ilk ildən çalışan əməkdaşlara təşəkkürnamə təqdim edib.


Sonda iştirakçılar onlara göstərilən diqqət və qayğıya görə təşəkkür ediblər.

Photo gallery

Video


07 May , 2021


DİRECTORİES

Call Center


24/7

155

The Customer Department

Monday — Friday from 09:00 to 18:00.

The Internet Department

Monday — Friday from 09:00 to 18:00, Saturday — from 10:00 to 14:00.

Связь

Main Office address

1, B. Sardarov str., Baku, Azerbaijan, AZ1001

Fax

+(994 12) 497 01 01.

Mail

office@azeurotel.az